გასულ თვეში, ერთ-ერთმა სახლის მეპატრონემ ვერანდაზე ბეტონიდან პირდაპირ გამოშვერილი უჩვეულო რამ შენიშნა: კუდი. უფრო ახლოს დათვალიერებისას, ასევე ორი პაწაწინა ფეხი მოჩანდა, რომლებიც ირწეოდნენ. ხვლიკი როგორღაც ნაპრალში გაეხვია და გაიჭედა.
სახლის მეპატრონეს წარმოდგენა არ ჰქონდა, რამდენ ხანს იყო საწყალი ხვლიკი ჩარჩენილი და მიხვდა, რომ იტანჯებოდა, ამიტომ ეველინის ველური ბუნების თავშესაფარს დაურეკა . შონდა ბენტლი, უფროსი რეაბილიტატორი, დახმარებისთვის სასწრაფოდ მივიდა.„[ხვლიკები] ჩვეულებრივ არ იჭედებიან“, – განუცხადა ბენტლიმ The Dodo-ს. გოგონამ იფიქრა, რომ ხვლიკი უბრალოდ მზის აბაზანების მიღებას აპირებდა. „იქ რომ მივედი და, ღმერთო ჩემო, გაიჭედა!“ბენტლიმ ხვლიკი სკინკად იცნო. ეს ნიშნავდა, რომ კუდში ჩაჭერა შეუძლებელი იყო, რადგან სკინკები, ბევრი ხვლიკის მსგავსად, თავდაცვის მიზნით კუდს გაუშვებენ, თუ საფრთხეს იგრძნობენ. ბენტლის ასევე არ სურდა თეძოების ამოვარდნა ან ფეხების მოტეხვა ქექვით. სამაშველო მისიას კიდევ ორი მოხალისე შეუერთდა, რომლებმაც ჩაქუჩი, ძალაჯვა, ხრახნები და საიდუმლო იარაღი – ქოქოსის ზეთი მოიტანეს.
