2002 წლის დეკემბერში სამი და დაიბადა, რომელთა დაბადებას ნამდვილ სასწაულს შეიძლება ვუწოდოთ. ორი გოგონას სხეული მჭიდროდ იყო შერწყმული ერთმანეთთან, ხოლო მათი და ცალ-ცალკე დაიბადა – ეს 200 ათასი შემთხვევიდან მხოლოდ ერთ შემთხვევაში შეიძლება მოხდეს. და ეს დაემართათ ტყუპებს – მეისის, მაკენზის და მადლინს.დაბადებისას თითოეული მათგანი 900 გრამზე ოდნავ მეტს იწონიდა.
მშობლებმა დები მაშინვე მიატოვეს. წყვილს ნარკოტიკებთან დაკავშირებული პრობლემები ჰქონდა და ისინი ნამდვილად ვერ შეძლებდნენ უჩვეულო გოგონების მოვლას. საბედნიეროდ, პატარების გამო, ჰარისონების ოჯახმა იზრუნა მათზე. ამერიკული აიოვას შტატიდან უბრალო ფერმერები უკვე სამ ვაჟს ზრდიდნენ, მაგრამ ქალიშვილებზე ოცნებობდნენ. მათ არ შეუშინდათ ის სირთულეებიც კი, რაც ტყუპების ჯანმრთელობის მდგომარეობის გათვალისწინებით გარდაუვალი იყო.
„წარმოდგენა არ გვქონდა, რას უნდა ველოდოთ. მათ უბრალოდ სჭირდებოდათ ვინმე, ვინც შეიყვარებდა. მადლინი ოთხი დღის იყო, მეისი და მაკენზი კი – ოთხი კვირის“, – თქვა დარლა გარისონმა.დაბადებიდან ცხრა თვის შემდეგ, 2003 წლის 10 სექტემბერს, მეისისა და მაკენზის განცალკევების ოპერაცია ჩაუტარდათ. ექიმებმა ოპერაცია წარმატებულად შეაფასეს, თუმცა ორივე გოგონამ ერთი ფეხი დაკარგა და შემდგომში პროთეზის გამოყენება მოუწიათ.
ორი წლის შემდეგ, დარლამ და მისმა მეუღლემ, ჯეფმა, ოფიციალურად იშვილეს სამი ტყუპი. ახლა 14 წლისები არიან და ჩვეულებრივი ცხოვრებით ცხოვრობენ, როგორც მათი ათასობით თანატოლი.„გოგონებმა წარმატებას მიაღწიეს შრომისმოყვარეობისა და ოჯახის მზრუნველობის წყალობით. მათი მიღწევები შთამბეჭდავი და შთამაგონებელია“, – ამბობს ბავშვთა ქირურგი ჯეიმს სტეინი, რომელმაც დების განცალკევების ოპერაცია 2003 წელს ჩაატარა.
„როდესაც შეზღუდული შესაძლებლობის მქონე ბავშვებს ისეთ ადამიანებთან ზრდი, რომლებიც მათ ნორმალურ ბავშვებად ექცევიან, ისინი საკუთარ თავს ნორმალურებად აღიქვამენ“, – დასძენს მინდობით აღზრდის სააგენტოს თანადამფუძნებელი ლინდა კონტისი.„ეს მხოლოდ დარლა და ჯეფი არ არიან, ეს მათი მთელი ოჯახია. სწორედ ამიტომ არიან ისინი ასეთი საოცარი ბავშვები.“
